كليتنا عملت منتدى

قال إيه خير اللهم إجعله خير كان في يشمهندس طيب و بريء و رايح يشوف الجدول بتاع قسمه اللي الكلية قالتله عليه و لما دخل على واحد من المنتديات الطلابية اللي بتخدم كليته إسمه يوني مصر لقى لينك الجدول في موقع الكلية... فكر كدة و قال لنفسه 

 يووووووووه موقع الكلية تاني اللي بيقولي عذرا لازم غصب عن عيلتك كلهم تستعمل إنترنت إيكسبلورر... هم الناس دول عمرهم ما بصوا على موقع ستان فورد ولا موقع الإم آي تي ؟؟ طب حتى خلينا نقول موقع الجي يو سي !.... يللا ربنا يسامحني أنا اللي طول عمري حقود و مش برضى بمجهود الناس الحلوة دي

.....

بعديها علطول الطالب إستعان على الشقى بالله و راح دايس على اللينك يا معلم !ه

وهنا بس

................

............

.......

...

.

.

حصلت المفاجأة العظيمة قال إيه موقع كليتنا إتجدد ! الواد يا عيني طلع بسرعه يتأكد من الأدريس بار 

و إتأكد كمان مرة

و لكي يطمئن قلبه بص مرة كمان

.... بجد ! الموقع إتغير ! مع إنه طبعا فضل محافظ على معظم مزاياه الأساسية

مخالفة معظم قواعد التصميم المعروفة و أبسطه )طبعا دا بحثا عن التميز مش تقصير لا سمح الله(ه

البطئ المعتاد من باب غرس مبدأ "في التأني السلامة وفي العجلة جادون" في نفوس الطلاب

  و مبدأ " لازم تتوه جوا الموقع" من باب تخفيف الحمل على السيرفر

و أخيرا مستحيل ننسى المبدأ الأساسي بتاع إن لغة
aspx.net
هي اللغة الوحيدة والأولى والأخيرة لبرمجة حاجة نضيفة كدا 

وقدام كل المزايا الخرافية دي الطالب البريء بتاعنا مقدرش يمنع نفسه من متابعة التجول جوا الموقع، و بكل برائته المعهودة قابل الصدمة اللولبية

  

وهو منسيش في يوم كلمة كان قالها له واحد ما في مكان ما وفي وقت ما

"كليتنا مستحيييييل مهما حصل ترعى الكلام الفارغ اللي بتعملوه لأن كله في "الفضاء الإلكتروني

   

يا يشمهندس يا محترم لو عاوز تساعد زمايلك صح .... سيبك من الكلام الفاضي بتاع الإنترنت دة

و إنزل إشتغل على الأرض

--كلام مسئول

أعتقد عرفتم الصدمة اللي إتصدمها عزيزي الطالب المجهول ! قالك الكلية عملت منتدى طلابيييييييييييييي آه والله و ربنا إنت قريتها صح 

كليتنا عملت منتدى طلاااااااااااابي 

أي نعم هو لسة فاضيييييييييييييييي بس بكل تأكيد لازم مواقع زي يوني مصر و إي جي 123 و غيرها و غيرها تستعد علشان المنتدى دة طبعا هيسحب منهم كل اليوزرز يوزر يوزر 

و ده عنوانه هو مش بعيد أوي مجرد فركة ماوس

منتدى كليتنا العظييييم

  

و دي صورة ليه لو مش عاوز تتعب نفسك