الواد داغر

الحقيقة إن النهاردة مش يوم عادي ... النهاردة عيد ميلاد أعز أخواتي ... و رفيق الكفاح تيفا ... علشان كده قررت أكتب الجريمة الشعرية دي ... و من الأول كدا أنا مش بتاع شعر أصلا ولا بفهم فيه ... بس علشان تيفا كله يهون .... الجريمة ... قصدي القصيدة بتبدا بعد السطر الجاي و بتنتهي مع كلمة  بوستد باي ...  فأرجوكم بلاش ضرب 
:D :D  :D

داغر....


 ...داغر دا واحد صاحبي

 ...بس الشاهدة واد جدع

...حالم لكنه ياعيني من الطموح ... إتمنع

الراجل إياه .. قاله يا واد بلاش بواخة و كلام عيال ... طرده ... ملى قلبه وجع...

داغر يوميها قال ... دا لسه في أمل و راح أكمِّل العمل

 قلتله يا "تيفا" إعقَل.. قاللي اللي مسيعاش لحمله إتخبل ...

قُلت: يا تيفا إرجع.... قال: ححفر في الجبل ...

قادر أهد جبال... و أعدي أهوال

يقولوا محال ... و أنا أقول: دا لسه في أمل

راح الجدع ... و إتعلـَّم عِندهم... بقى منـُّهم

....

و تعدي أيام  ... و أخويا هُمام

يثبتلي دايما إن لسه في أمل .. الناس تنام و تقول كلام

وهو يبص بالإبتسام ... ماشي مركز للأمام

شايف أحلام .. تقول أوهام .. وهو عايش بالأمل

آخر نجاحاتي ...... إتكسّر

من شوية مش كتير .... و أنا قاعد بتابع مسلسل من المسلسلات اللي غرقتنا مع بداية الشهر الكريم .... سمعت حاجة بتقع .... بتقع .... بتقع ناحية تحت -- طبعا بفعل الجاذب--  المهم ... بصيت بعد ما سمعت صوت عااالي بيقول "دِش ... دِش ... دِشششششششش" بصيت بصة درامية فظيعة و اللي حسبته لقيته و يريت اللي جرى ما كان وكل سنه و إنتم طيبين.... الساعة اللي كسبتها في مسابقة مدرستنا للثانوية العامة -- علشان أنا عقبال عيالكم كدة كنت طالع العاشر على مدرستي في تالتة ثانوي -- و بالرغم من إنها ساعة صيني متجبش عشرين جنية "أقل من أرخص ساندوتش عند مؤمن" إلا إن الساعة دي كان ليها مكانة خااااصة جدا جدا جدا عندي ... مكانتها كانت بتنحصر في إنها بتمثلي آخر نجاحاتي أو خلينا نقول بنبرة فيها تفائول أكتر .... أخر نجاحاتي حتى الآن ... بس ده خلاني أقول شوية كلام بجد جوايا ... خلاني أسأل نفسي ... إيه اللي ممكن يحصل لو ده كان آخر نجاح في حياتي بجد يعد ما دخلت دايرة الفشل اللا متناهي في الكلية العظيمة بتاعتنا دي؟؟

طيب إيه الحال لو كنت فشلت بجد ... هو أنا صحيح إخترت غلط ... طيب ليه نجاحاتي وقفت ؟؟ولا أنا مؤهل أصلا للنجاح ؟

أفكار كتييييييير أوي ملت دماغي ... لكن كلها سابتني و سابت جوايا حاجة .... الحاجة دي ببساطة هي أمل إن ممكن يجي يوم و أعدي فيه كل الضلمة دي لمكان فيه نور أكتر من كدا ... مكان ممكن أشوف فيه نفسي ناجح برغم إن كل المؤشرات دلوقتي بتقول إني مقداميش كتير

let it be our LAST day!

*** To someone whom I once loved, and now I cannot determine my situation! :)..... plZ read it to the end, or DON'T asln :D

image attribution

Let it be our last day !

I know that being with me hurts you severely and causes u problems... they have even said that this makes you feel kidnapped away from your family! I also know that you hate me because I don't pay for you , though you know that I can't do this anyway !

To tell you the truth, I've loved you and I've addicted you. But after all I've decided to stop cracking you, smashing you and causing you to crash. I didn't do this for your sack, this may be considered selfish of me, anyway, you have been restricting my freedom for ages, you have dominated my mind, you poisoned my ideas and even breached my privacy! That's why I think I've had enough of you, it's now time to say “Goodbye”, “GO AWAY OF MY FACE”, because I've found people who are much better than you, people who understand my needs, they are kind but you are cruel, they teach me while you used to deprive me, they respect me while you have called me “ a thief ” ! they give out their efforts just for sharing and we can share ideas freely and adopt each other's ideas …. but you used to punish me each time I tried to learn !

I'm really sick of you, you never care about me ! All what you care about is growth of your business, even when you decide to help you are just seeking your own benefit, you may have taught me all what I know, but my core values can now judge you and tell me that you are not the one who I used to admire before !

It's now time to free my self of you, it's now time to start living a new life and to start breathing some clean air ! It's now time to say “Goodbye”, “Goodbye Proprietary software I don't really need you!”  

كومبارس صامت

إذا صدق يوسف بك وهبي لما قال "وما الدنيا إلا مسرح كبير"  يبقى المفروض إن كل واحد فينا بيلعب دور، وبيتقمصة كويس جدا جدا، علشان ساعة العرض ميحرجش نفسه قدام الناس اللي جايين من بعيد علشان يتفرجوا.... في ناس دورها كومبارس صامت و ناس دورها كومبارس متكلم ... و حاجات تاني كتير أوي، لكن اللطيف في مسرح الدنيا إنك مش علطول هتفضل في دورك ده ... لأ ... بجد لأ... خالص يعني.. بس حتى دي مش لينا دي لناس معينين بس بياخدوا بطوله علطول 

لما بتيجي تلعب دور واحد راكب الميكروباص و السواق مقضيها شتيمة في مخاليق ربنا و التباع نازل معاكسة في البنات ... دورك ساعتها كومبارس صامت و البطولة المطلقة لسيدنا الأسطى

بردو و إنت قاعد مع دكتور مرعب من مخلفات جوانتانامو، وقاعد يشرحلك "علمه" الممزوج بالسخرية و التهزيق وعمال يسألك "تعرف إيه عن مادتي إنت يا إبن .... إبن إمبارح طبعا"،  أوعى مخك يروح لبعيد، بردو ساعتها دورك مجرد كومبارس صامت أو بالكتير بتوزع إبتسامات و تهز راسك علشان تتقي شره. 

و إنت راكب المترو كل  يوم و عاوز تنزل في محطة رمسيس بررررردو كل دورك كومبارس صامت بتحط نفسك وسط التيار و تسيب الناس تنزلك من المترو بمعرفتها

يا راجل دا حتى و إنت بتحدد مستقبلك ... أحيانا كتير بتكون ، كومبارس صامت

لما تلاقي إن الأيام كلها بقت نسخة من بعضها و مفيش في إيدك أي حاجة ممكن تعملها و تبقى محبط و ملان و مش قادر تشوف أي لون للمستقبل، لأ و لما توصل معاك إنك خايف بكرا يجي لحسن تندم على النهاردة و نفسك النهاردة يخلص بردو لأنه مر أوي يبقى لازم تكون كومبارس صامت

إخوانا اللي بيقولوا إن الكومبارس ده ليه يوم هتمشي فيه الدنيا على مزاجه .... بقولهم لا مؤاخذة الكومبارس الذي طلبته ربما يكون صامتا برجاء إدخال نجمة قبل رقم الكومبارس لو كنت واصل وتعرف السيناريست

بس للأسف... ولا عشرين سيناريست ممكن يخلوا الكومبارس يتكلم لأنه محتاج جراح يعمل له زرع لسان